සීලෝගම ප්රජා සංචාරක ගම්මානය
සීලෝගම ප්රජා සංචාරක ගම්මානය බෙලිහුල්ඔය සංචාරක
පාරාදීසය ආශ‍්‍රිතව පිහිටා ඇති ස්වභාව සෞන්දර්යයෙන් අනූන සංචාරකයින්ගේ සිත් ඇද
ගන්නා සුන්දර ගම්මානයකි. මෙම ගම්මානයේ නිවාස ආශ‍්‍රිතව සංචාරකයන්ට නවාතැන් පහසුකම්
ලබාදීමේ වැඩසටහනක් සබරගමුව පළාත් සංචාරක අමාත්‍යංශය විසින් ක‍්‍රියාත්මක කර ඇත.
විශේෂයෙන් මෙම ගම තුළ සාම්ප‍්‍රදායිකව කරනු ලබන කෘශිකාර්මික කටයුතුවලින් අප
අතුරෙන් දුරස් වී යන සාම්ප‍්‍රදායික කෘශි කටයුතු සහ ඒ ආශ‍්‍රිතව ගොඩ නැගී ඇති
සිරිත් විරිත් ,භාෂාව ආදී සංස්කෘතිකාංග ආරක්ෂා කර ගැනීමට හැකි වී
ඇත.
එමෙන්ම පැරණි ගමක් තුළ දැකිය හැකි බොහෝ දෑ වර්තමානයේදී පවා මෙම ගම තුළ දැකිය හැකි ය. විශේෂයෙන්ම හෙල් මළු ක‍්‍රමයට කරනු ලබන වී වගා සහිත කුඹුරු බිම් දුටුවන්ගේ නෙත් සිත් ඇද බැඳ ගනී. මෙම ගම මැදින් ගලා යන කුඩා දිය කදුරු සහ කඩා හැලෙන ලොකු කුඩා දිය ඇළි ගම තුළ ඇති ස්වභාව සෞන්දර්යය තීව‍්‍ර කරවයි.
ගමේ එක්
පසෙකින් සුන්දර හාගල සහ පරවියන්ගල ප‍්‍රමුඛ කඳු පංතිය සහ අනෙකුත් පසෙන් පිහිටා ඇති
සමනලවැව ජලාශය ගම තුළ කරනු ලබන සංචාරක ක‍්‍රියාකාරකම් සඳහා කදිම තෝතැන්නක් වී
තිබේ.සුන්දර හාගල සහ පරවියන්ගල අතුරෙන් නන්පෙරියල් කලාපය සහ ලෝකාන්තයේ පහළ කොටස ආශි‍්‍රත දර්ශනීය පරිසරය ගම
තුළ සිට සංචාරකයන්හට නැරඹිය හැකි ය.
අන්තර් මාධ්‍ය
කලාපික දේශගුණික කලාපය තුළ මෙම ගම්මානය පිහිටා ඇති බැවින් ඉතාමත් ඉහළ ජෛව
විවිධත්වයක් ගම තුළ දැකිය හැකිය.විශේෂයෙන්ම විවිධ වූ ශාක විශේෂ සහ සත්ත්ව විශේෂ
මෙම ගම තුළ දැකගත හැකිය.
මෙම ගම්මානයට
පැමිණෙන සංචාරකයන්ට කුරුල්ලන් නැරඹීම , කඳු නැගීම, බයිසිකල් පැදීම,ඔරු පැදීම, මාලූ බෑම ආදී
විවිධ සංචාරක ක‍්‍රියාකාරකම්වල නිරත විය හැකි ය.
මූලාශ්‍ර - සුන්දර සබරගමුව කෘතියෙනි
community based tourism project ekak patan gattu eka hondai neda
ReplyDeletetourism develop ka good
Deletelassana thanak. good tourism place
ReplyDeleteow lassanama place ekak
Deletealuthin patan gatta eka neda. good
ReplyDeleteඔවි.සීලගම
DeleteLassana thanak
ReplyDeleteLassana thanak
ReplyDelete