නුඹත් රජෙකි පුතුනේ

මහා මැදුරක ඉපදුණා නම්

නුඹත් රජෙකි පුතුනේ,

නුඹේ දූවිලි පුසුඹ  නෑ මට

 කිරි සුවද මිස ළංවුණේ,

කිමද අකලට වීදියේ මල් 

කැකුලු මැද නුඹ පිපුණේ,

මමද ළතැවෙමි, නොමැත අහිතක් 

නුඹ කෙරෙහි මට ඇතිවුණේ....

කිත් යසස් , සැපඉසුරු සම්පත්

 පුතේ නුඹටයි නොලැබුණේ,

ඒ සියලු යස ඉසුරු සම්පත් 

මහා මැදුරට හිමිවුණේ

 එපා අහිතක් හිතන්නට නුඹ

 කිසි කලෙක දෙවියන් ගැනේ

නුඹේ නිවසේ ලිපිනයයි පුතේ 

දෙන දෙවියෝ ළග නොතිබුණේ.....