දෙවියන් මැව්වේ මිනිසුන් ය.

- දෙවියන් මැව්වේ  මිනිසුන්ය -

දෙවියන්  මිනිසුන් මැව්වේ  නැත.
දෙවියන් ද  මැව්වේ  මිනිසුන්ය.
එසේ වූ කල  මිනිසා මහා බලවතෙකු යැයි කිව යුතුව ඇත.
දෙවියන්  ඇත්තේ  මිනිසා අතරේ ය.
මිනිසා දෙවියන්  විය යුත්තේ  මිනිසාට ය...

කලුගල්  මේ තරම් සියුමැලි ද?
කලුගල් සියුමැලි වූයේ නැත .
අකීකරු කලුගලට
කීකරු බව එක් කළේ මිනිසා ය.
රලු බවට සියුමැලි බව එක් කළේ ද  මිනිසා ය.

එනමුදු ,
ගරු බුහුමන,පූජනීයත්වය එක් වන්නේ දෙවියන්ට ය.
දෙවියන් තනන්නට කලුගලට සියුමැලි බව ලබා දුන් මිනිසාගේ දෑතට එක් වන්නේ
විඩාබර වේදනාවත්, කරගැටත් පමණද?

එනමුදු,   දරා හැම දේම  සම සිතින්
තබා නලළත කරගැට පිරි දෑත්
නමස්කාර කරයි ඔහුද
දෑතින් නිමවන දෙවියන්ට බැති  සිතින්,
උපදවා දහම් ගුණ...